Fjölbrautaskólinn við Ármúla| Námsbrautarlýsing Heilsunuddara | Hafa samband | Vefsíða heilsunuddara FÍHN

Heilsunuddbrautin við Fjölbrautaskólann við Ármúla hefur síðan 2011 tekið yfir allt nám í heilsunuddi á Íslandi, bæði bóklegt og verklegt.  Fyrir þann tíma sá Nuddskóli Íslands um verklegt nám á brautinni og FÁ um bóklegt, en nú stendur hann einungis fyrir endurmenntun fyrir heilsunuddara.  Upplýsingar um nám á brautinni er að finna á heimasíðu FÁ undir Heilsunuddbraut.

Endurmenntun á vegum Nuddskóla Íslands er auglýst hér á síðunni og á facebooksíðu heilsunuddara. Stefnt er að námskeiði, muscle specific deep tissue therepy, með Brian Utting helgina 25. – 26. apríl 2020. Nánar um það síðar.

Nám heilsunuddara fer fram á heilsunuddbraut við heilbrigðisskóla Fjölbrautaskólans við Ármúla. Heilsunuddarar menntaðir frá heilbrigðisskólanum fá inngöngu í F.Í.H.N. en aðrir með sambærilegt nám frá erlendum skólum geta fengið inngöngu sé öllum skilyrðum náð. Stjórn F.Í.H.N. tekur við og fer yfir allar umsóknir í félagið. Einnig er starfrækt braut fyrir heilsunuddara, í samstarfi við FÁ, í Framhaldsskólanum á Húsavík. Verklegt nám í FÁ er í dagskóla en um lotunám er að ræða fyrir norðan. Námskrá heilsunuddara er viðurkennd af menntamálaráðuneyti en starfsheiti og störf heilsunuddara eru ekki lögvernduð.

Á hverju ári bjóða nemendur á heilsunuddbrautinni upp á nudd fyrir almenning á góðu verði. Árið 2020 byrjar nemanuddið föstudaginn 19. janúar og stendur fram að páskum. Tíminn kostar kr. 4000 en gefin er helmingsafsláttur fyrir aldraða og öryrkja. Til að panta tíma er hægt að senda póst á nudd@nuddskoli.is Skráning byrjar í janúar.

Einnig höfum við oft, á starfstíma skólans, getað útvegað fyrirtækjum nemendur til að nudda á viðburðum eins og heilsuvikum eða öðrum velvildarviðburðum. Þeir geta komið með nuddstól eða nuddbekk ef þess er óskað eða gengið á milli og nuddað axlir og háls starfsmanna.

Icelandic school of thereputic massage is now a part of Ármúli comprehensive school.  If you want to contact the massage program director, Finnbogi Gunnlaugsson, you can e-mail him at nudd@nuddskoli.is or finnbogi@fa.is