Nú er komið að því að endurnýja kynnin við hópinn sem stundaði nám við skólann 2001-2002. Nokkrar myndir frá því ári eru komnar í möppu.

Nuddskólinn hefur oft farið í 2-3 vettvangsferðir á hverju ári, í heimsókn á vettvang þar sem nuddarar starfa.

Síðastliðin laugardag var haldið í Bláa lónið að kynna sér starfsemi lónsins og hvaða verkefni þeir hafa fyrir nuddara.

Heimasíðan er dottin í mikla nostalgíu þessa dagana og hefur skannað inn myndir frá hinu hressa 1996-1997 ári í nuddskólanum. Hægt að sjá nokkrar myndir í myndaalbúminu frá þessum tíma. Hér má sjá myndir af kennarahópnum frá þessum tíma.

Nú 10 árum seinna er það bara skólastjóri, Finnbogi Gunnlaugsson, sem er ennþá að kenna við skólann. Aðrir á myndinni eru: Sigurósk Svanhólm sem kenndi svæðanudd. Guðmundur Skúli sem kenndi íþróttanudd og stýrði skólanum á þessum tíma. Bryndís Júlíusdóttir kenndi kineselogy. Margrét A. Birgisdóttir kenndi ilmolíufræði og sogæðanudd. Finnbogi kemur næstur og síðan Pálmi sem sennilega hefur verið að veita viðurkenningarnar sem kennarar halda á. Nokkrir þekkja kannski Pálma en hann hefur starfað við sérdeild FÁ.